【不要成為你害怕的人】
5個月前一個淩晨，我好大力推開背包大聲鬧：「我就黎癲啦！你喊夠未呀？」。在此之前，我每日都努力為一個很重要很重要的展覽做到半夜三更，日日唔夠訓，而個晚背包起左身5次，喊足5次，成晚啜住我的乳頭先肯收聲。於是我壓力爆煲，終於頂唔順推開佢，大聲鬧佢，背包被嚇到再喊得更大聲。
「如果你唔乖，媽媽就唔錫你。」「你喊，就無人鍾意架啦。」「你再跩，婆婆唔錫佢。」呢幾句說話大家都可能耳熟能詳，我自細就經常聽到，大過左都聽到身邊朋友，長輩，隔離台食飯的陌生人講，而家到我做阿媽，我都講過同樣的說話。成日都話父母的愛是 unconditional love，但呢幾句掛係口邊的說話卻帶著要脅，帶著條件，帶有某程度上的語言暴力。以為唔體罰就已經唔暴力？但其實暴力都可以是無形的。對於小朋友來講，最需要就是父母的愛，而我地可能就係因為佢出格，或是做了一些我地唔滿意的事，就用佢最需要的東西來要脅佢。但當講完呢句說話，小朋友就係會乖嗎？又唔見得真係會，惹惱我地的行為，仍久不久發生。
個一晚鬧完背包之後，我好後悔同自責，因為我未有足夠的能力去應付自己的情緒。雖然佢仲細，但其實我知佢乜都識，呢件事應該已經在佢的記憶中植根。於是我開始去學習非暴力的親子溝通，學習面對和處理自己的情緒，等背包唔駛變成一個吸收負能量的海綿。亦希望學會了解和明白佢行為上背後的需要，而唔係一味鬧鬧鬧。到日後佢能夠同我對話交談時，希望可以運用學到的技巧講出我的需要，讓佢都可以明白我，唔駛變成一對鬧交過活的母女。
所以我又來 sell 下你，Women’s Festival 9月5日星期三下午5點至7點半，有一個由正念導師 Christine 主講 《脫離語言暴力，親子好溝通》的工作坊，$300蚊聽兩個半鐘，(平日是收開$600蚊的) 唔單止你一生受用，你的小朋友都會一生受用。聽完上次推介同日的 #不要做填鴨 教育講座，可以黎聽呢個。叫埋老公黎，二人同行有9折，再唔係叫埋老爺奶奶公公婆婆姐姐來，因為小朋友生命中的照顧者，不止你一人，所以我已經幫我爸媽報左名。鬧一句好易，了解卻很難，Christine 教得好，係因為佢會帶領我地了解其他人的行為和說話背後真正的需要，希望大家都能成為更好的自己。
工作坊透過正念、正念瑜珈及非暴力溝通，幫助學員：
1. 釋放及有效處理自身的緊張、壓力丶情緒。
2. 懂得放鬆及安心自在的方法。
3. 覺察不自覺之破壞關係的應對模式。
4. 學習深度聆聽。
5.學習及建立真誠有愛的表達方式。
有媽媽問可唔可以帶埋小朋友黎，當然歡迎！成個節我都希望做到小孩有善，所以同合作單位商量過後，3歲以下小朋友免費入場，我會盡備玩具比佢地玩的！
二人同行9折優惠碼：supportwfhk18
詳情：http://bit.ly/2uCFtrF
購票: http://bit.ly/2n3OJAI
購票步驟:
- 先選日期 (9月6日下午三時）
- 再選這個節目 (脫離語言暴力親子好溝通）
Mindful Joyful Parenting 正念喜悅父母
#HKWomensFest #脫離情緒勒索
Search